Жижиг, дунд үйлдвэрийг хөгжүүлэх сангаас (ЖДҮХС) Дархан-Уул, Сэлэнгэ, Төв аймгуудад хөнгөлөлттэй зээлийг 2025 оны 2-р сарын 10 - 3-р сарын 12-ны хооронд цахим системээр хүлээн авч, нийт 26.5 тэрбум төгрөгийн эх үүсвэрийг баталжээ.

Зээлийн хүсэлтийн ерөнхий статистик

• 319 аж ахуйн нэгж зээлийн хүсэлтээ ирүүлсэн.
• 203 аж ахуйн нэгж (63.6%) нь 100 хүртэл сая төгрөгийн зээл хүссэн байна.

Зээлийн дээд хэмжээ

Зээл олгох журамд зааснаар борлуулалтын орлогоос хамааруулан зээлийн дээд хэмжээг тогтоож, сонгон шалгаруулалт хийгдэж байна.

Сонгон шалгаруулалтын мэдээлэл

Зээлийн хүсэлт гаргасан аж ахуйн нэгжүүдэд цахим системд бүртгэлтэй утасны дугаараар мессеж илгээн төслийн сонгон шалгаруулалтын явцыг мэдээлэх аж.

ЖДҮХС-аас олгож буй энэхүү хөнгөлөлттэй зээл нь жижиг, дунд бизнес эрхлэгчдийн үйл ажиллагааг дэмжиж, санхүүгийн хүртээмжийг сайжруулахад чиглэж байгаа гэж ХХААХҮЯ мэдээллээ.

Эх сурвалж: ХХААХҮЯ, ЖДҮХС