x

ХЭРЭГ АЛГАА, ХЭРЭГ АЛГА !

ХЭРЭГ АЛГАА, ХЭРЭГ АЛГА !

-монолог фельетон-

Манай томчуул хэрэг алга. Бид өглөө босоод хотын даргын хэрэггүйг мэдээд, цай уухынхаа хэрд Ерөнхий сайд дэмийг ойлгоод, ажилдаа гарахын өмнө хэд хэдэн гишүүнээ нэмэргүйг ухаараад ажилдаа гарч байна. Өөр яах юм бэ, өөрийнхөө хэрэггүйг мэдэлтэй нь ч биш. 

     Ажилдаа явах ч юу байхав дээ, тэндээ очиж Еөкөө дэмий болохыг хэдэн янзаар батлаад, үдээс хойш бидэнд дарга л илүүдэж байгаа хамтдаа ухамсарлана. Ажилдаа очих, ажлаас ирэх гэж нэрлэвч ажилсах юм бас үгүй ээ. Ажил хийхзав ч гарахгүй. Завсах юу байхав ажиллах нөхцөл л алга. Ийм олон муу юмны дунд хэний төлөө, яах ч гэж ажиллах юм билээ? 

     Манайд байтугаа, энэ хорвоод болж, бүтэж байгаа юм байна уу, ингэхэд? Орос Украйнтайгаа хил дээрээ байлдаад, Орос нь Түрктэй Сирид тулалдаад, Израйль Палестинтай Газын зурваст байтугаа үзэж тараад, Солонгосын Еөк Парламентайгаагаа байлдаж онц байдал тогтоогоод, одоо Трамп нь Америктайгаа алалдана гээд байдаг. 

    Манайд ч ялгаа алга. Мояа нар нь Монголтойгоо тулалдаж, оркууд нь шарктайгаа алалдаад, энд тэндгүй тэнэсэн сум, дальдичиж туулж байна, энэ хорвоог!

   Энэ олон буруу юмны дунд хэдүүлээ зөв явлаа ч яалаа, буруу явлаа ч яалаа? 

   Үгүй тэгээд, буруу яваад үзье гэхэд яг яахыг ч бүү мэд. Буруу явахад хүртэл ухаан хэрэгтэй байдаг юмуу, хаашаа юм бэ?

   Хотын мээр ч хэрэг алга, хэрэг алга. Яг юу нь хэрэг алга гэж үү? Тэр нь ямар хамаатай юм бэ, хэрэг алга л гэсэн бол хэрэг алга. 

    Хүн хэрүүл өдөхөөр л өмнөөс нь хэрэлдчих юм, энэ Нямбаа туучий. Үгүй тэгээд, нэг нь хэрүүл өдөөд байхад хэрэлдэж өгөхгүй бол иргэнийхээ хэрүүлийг үл ойшоосон болчихно гэж боддог ч юм болов уу? Биднийгээ хүндэлж “өөртэйгээ хэрэлдэх зиндааны этгээд”-д тооцоод байхад нь манайхан буруу ойлгосон тал байна уу? Гэхдээ л хэрэг алга, хэрэг алга.

  Энэ түгжрэл ч гэж хэрэг алга. Цөмөөрөө машинаа унаад гарахаар түгжрээд, явган гарахаар гайгүй болчихож харагдах юм. Ямар ч учиртай юм, бүү мэд. 

   Түгжрэлээ багасгаач гэхээр машины тоог цөөлнө, дугаар нэмж олгохгүй гэх юм. Машин цөөрүүл гэсэн юм үү, түгжрэл бууруул гэсэн үү? Хүний үгийг муухай мушгиж байгаа юм шүү. Үзэж тарна аа, эдэнтэй. 

   Хотын утаа ч гэж хэрэг алга. Хотын байтугаа гэрийн яндангаар утаа гараад байх юм. Галаа түлээдэхээр л утаа гараад, галаа унтраахаар утаа гарахаа байчих юм. Муухай өдөж байгаа юм шүү. Яах аргагүй л нэг хуйвалдаан яваад байна? 

   Юмны үнэ ч гэж хэрэг алга. Зарж байгаа юмныхаа үнийг нэмэхээр хүмүүс уурлаад байх атлаа, өөрсдийн барааны үнийг нэмээд байх юм. Энэний цаана, ард түмний эсрэг томоохон бүлэг байгаа санагдав. Санагдсан л бол байгаа л гэсэн үг л дээ, ер нь. 

  Сонгууль ч гэж хэрэг. Сайхан сонгоод байхад л муухай дүн гарч ирээд байх юм. Юу? Саналаа зарсан юм чинь хохино гэнэ үү? Санал энд ямар хамаатай юм бэ? Ярьсан, хэлсэн юм дандаа мушгина. Санал яаж өгдгийг огт яриагүй, харин муу хүн сонгогдоод байгааг хэлж байхад. 

   Тог ч гэж хэрэг алга. Байнга тасраастай. Заа тээр, ингээд л тэмээ гэхээр ямаа яриад эхэлдэг юм. Цахилгаан станц барих гэхээр та нар эсэргүүцээ биз дээ ч гэх шиг. Тог тасарч байна гэхээр цахилгаан станц руу мушгиад, ард түмнийг муухай доромжилж байгаа юм шүү. Тэгж ярих юм бол ТЭЦ4-өөс аймаар утаа гарч байгаа шүү. Айн? Атомын цахилгаан станцыг бариулахын эсрэг байсан маань ТЭЦ4-ийн утаатай яахлаараа холбогддог юм бэ?

  Цалин, тэтгэвэр нэмээч гэхээр улсад мөнгө байхгүй гэж байна. Хэн улсын мөнгө ярьсан юм бэ, хүний цалин, иргэний тэтгэвэр л ярьж байхад.За яахав, үгийг нь дагуулаад “Улсын мөнгө яачихаад байгаа юм бэ” гэхээр аягүй бол нүүрсээ зарж чадахгүй байна гэж дүйвүүлээд, тэрийгээ төмөр замтай холбоод бүүр дампууруулна л даа. Ингэж л доромжилж байгаа юм даа. 

   Хэрэг алга аа, нээрээ? 

   Юу гэнэ ээ? Энэнээс илүү дарга нэхэх хэн юм бэ,  та нар гэнэ үү? Аягүй бол ямар ард түмэн байна, тийм удирдагчийг төрүүлдэг энэ тэр гэх нь байна шүү, яриулаад байх юм бол? 

   Бид нарын сайн, муу энд ямар ч хамаагүй. Бидэнд сайн дарга л хэрэгтэй байгаагаас биш бид өөрснөө сайн болох хэрэг огт байхгүй. Бидний сонгосон дарга өөрөө сайн болох үүрэгтэй. Тэрнээс биш сайн дарга олж сонгох үүрэг бидэнд үгүй.

-Сөүл хотын дарга ийм сайн, Токио хотын дарга тийм найс. Тийм бол гэж шаардаж байна. Ойлгов уу?

Юу? Ахиад л асуулт төөрүүлж эхэллээ. Чагна даа! 

- Тэднийг чинь Сөүлийн иргэд, Токиогийн суугчид сонгож гаргаж ирсэн юм, манайхан биш. Хэрвээ бид орноос нь санал өгсөнсөн бол бол Сөүлийхэн Ням Ба Сен гэдэг толгойны өвчинтэй болчихсон, Токиогийнхоны толгой дээр хэн нэгэн Нямбаяама наалдчихсан үйлээ үзэж суух байсан гэчихжээ?

  Ийм л байна даа. Сөүлийн даргыг ярьсан чинь өмнөөс Сөүлийн сонгогч энэ гээд толгой эргүүлээд явчихаж байгаа юм. 

  Одоо яах вэ? Ямар, өөрсдийгөө өөрчлөлтэй ч биш!

                    Б.Цэнддоо /baabar.mn/

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iРедакцийн сонголт
iШинэ мэдээ
БНСУ цалингаа авч чадаагүй гадаадын иргэдийг албадан гаргахгүй 1 мин “Ногоон орон сууц” төслийн 800 айлын байрны үнийг 2.7–3.04 сая төгрөгөөр тогтоолоо 1 цаг 46 мин "УИХ Үндсэн хууль зөрчсөн" гэдэг дүгнэлт гарвал ямар ч том эрх ашиг яриад зөвтгөх боломжгүй 1 цаг 49 мин Ахмад настны тухай хуулийн шинэчлэлийг танилцууллаа 1 цаг 55 мин Гал зогсоох тохиролцооны дараа Израил ба ХАМАС-ын хооронд маргаан дэгдлээ 2 цаг 11 мин Монгол Улсад ажиллаж буй гадаад иргэдийн тоо 23.8 мянгад хүрэв 2 цаг 12 мин К.Роналду дахин “Forbes”-ын хамгийн чинээлэг хөлбөмбөгчнөөр тодров 2 цаг 13 мин Хөдөлмөрийн баатар Э.Содномпэлжээ Каирын ДАШТ-ээс мөнгөн медаль хүртлээ 2 цаг 17 мин Арваннэгдүгээр сараас төвийн бүс нутгаар хүйтрэх, зүүн аймгуудад дулаарах төлөв гарчээ 2 цаг 20 мин Нийслэлд ус, дулаан, ногоон байгууламжийн ажилчдын цалинг 3-3.5 сая төгрөгт хүргэжээ 2 цаг 27 мин Монголын спорт өрөлтийн тамирчид Азийн аваргад өрсөлдөнө 3 цаг 21 мин Европын парламент Оросоос хий импортлохыг хориглох хуулийн төслийг дэмжлээ 3 цаг 23 мин ДЦС-5 төслийн түншлэлийн гэрээ байгуулах эрхийг Хотын даргад олголоо 4 цаг 4 мин Путин, Трамп нар Будапештад дээд хэмжээний уулзалт хийхээр тохиров 4 цаг 6 мин Өнөөдөр болох үйл явдлууд 4 цаг 9 мин Улаанбаатарт өдөртөө 8 хэм хүйтэн, цас орохгүй 4 цаг 28 мин Агаар мандал дахь CO2-ын агууламж 1957 оноос хойших хамгийн өндөр түвшинд хүрчээ 19 цаг 10 мин Оростой байгуулсан бүх гэрээг дагаж мөрдөнө гэж Сири мэдэгдэв 19 цаг 17 мин Сумочид Лондонд хүч үзэж байна 19 цаг 21 мин Шинжлэх ухаан, технологийн паркийн эрх зүйн шинэчлэлийн талаар хэлэлцлээ 19 цаг 22 мин
iИх уншсан
"Мордохын хазгай" болсон МАН-ын Бага хурлын VIII хуралдаан Нямбаатарын уршиг М.Буянбадрах: Экспортлогчид, үйлдвэрлэгчдээ АМНАТ-ийн зөв бо... Авлигатай тэмцсэнийг биш, авлигад холбогдсон этгээдүүдийг на... Г.Занданшатарыг огцруулах нь Засгийн газрын тогтоолоос чухал... Тэтчерийн 100 насны ойд М.Бадамсүрэн: Төрийн үйл ажиллагаа тасралтгүй явах зарчмыг х... П.Батчулуун: Хэрэв би өршөөл гуйсан бол энэ салбарт зүтгэж б... Солийн Данзан (3) "УИХ Үндсэн хууль зөрчсөн" гэдэг дүгнэлт гарвал ямар ч том э... Р.Энхболд: Цэргийн дэглэлт, оны ялгааг арилгахын тулд жилд н... Д.Бумдарь: Шинэ бодлого, шинэ улс төрийн хүчний эрэлт үүсчих... Хэрэггүй Зогсож байсан автомашины араас мөргөсөн ослын улмаас 5 хүний... Засгийн газрыг огцруулах тогтоолд Ерөнхийлөгч хориг тавих ма... Монгол, Кубын парламентын хамтын ажиллагааны талаар талууд я... Өндөр насны тэтгэвэр авагч нас барсны дараа түүний гэр бүлий... Хязаалан үхрийн үнэ 1.4 сая төгрөг болж, өнгөрсөн оноос буур... Өнөөдөр дэлхийн ёс зүйн өдөр тохиож байна Монгол, Энэтхэгийн удирдлагууд нөхөрлөлийн бэлгэдэл болгон м...
Top