Фото: REUTERS/Eduardo Munoz
АНУ-ын Ерөнхийлөгчийн сонгуулийг хэд хэдэн нөхцөл байдал ер бусын болгож байна. Жишээлбэл, намын нэр дэвшигч сонгуулийн түүхэнд Жо Байден шиг ингэж хожуу нэрээ татаж байсангүй. Мөн л ер бусын гэдэгт нь Бушийнхан, Клинтоныхон эсвэл Байденыханы ерөнхийлөгчийн суудлын төлөө өрсөлдөөгүйг хэлж болно.
Мөн 1980 оноос хойш нэр дэвшигчдийн халз мэтгэлцээн зөвхөн ганцхан удаа явагдлаа.
Дональд Трампын амь насанд халдах оролдлого мөн л дуулиан тарив. Нэг удаа ч биш, хоёр удаагийн оролдлого гарав.
Бас нэг сонирхол татсан зүйл нь Байден нэрээ татснаас хойш Трамп хамгийн өндөр настай нэр дэвшигч болов. Зургаадугаар сарын 14-нд тэр 78 нас хүрчээ. Мөн Трампыг тавдугаар сарын 30-нд АНУ-ын итгэмжлэлт шүүгчид "санхүүгийн баримтыг хуурамчаар үйлдсэн" хэргээр 34 зүйл ангийн буруутан гэж үзэв. Арваннэгдүгээр сарын 26-нд түүнд ял сонсгох юм.
