Удтал хүлээлт үүсгээд байсан Цөмийн инергийн тухай хуульд өөрчлөлт оруулах тухай хуулийн төсөл УИХ-ын хэлэлцүүлэгт орж ирлээ. Энэ сарын 25-нд Засгийн газраас өргөн мэдүүлсэн Цөмийн энергийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүдийн хэлэлцэх эсэхийг өчигдөр УИХ-ын Аюулгүй байдал, гадаад бодлогын байнгын хороо хэлэлцлээ.

Энэ үеэр УИХ-ын гишүүн П.Сайнзориг нэгэн сонирхолтой "верси" дэвшүүлсэн байна. 

Тодруулбал, "Хуулийн төслийг зарчмын хувьд дэмжиж байна. Олон нийтэд зөв мэдээлэл өгөөд, Оюутолгойгоос хойш хйигдэж буй томоохон хөрөнгө оруулалтын гэрээний ажлыг урагшлуулах шаардлагатай. Энэ хуулийг хэлэлцэхтэй зэрэгцээд "шантаажчид"-ын арми амилна. Үүнд нь автмааргүй байна. Иргэд мэдээлэлгүй байгаагаас болж "3, 4 нүдтэй хурга, ишиг, тугал" ярьсаар байгаад эдийн засгийн том төслүүдийг зогсоодог боллоо" гэсэн байна. Сонирхолтой нь эдгээр "шантаажчид", мэдээлэлгүй иргэдийн ард ихэвчлэн манай өөрийн улстөрчид, шийдвэр гаргахад оролцдог нөлөө бүхий этгээдүүд явдаг гэдгийг олон нийт барагтай мэддэг, зах зухаас нь нэрлэдэг болчихоод байгаа.