Аймаг, нийслэл, сум, дүүргийн ИТХ-ын 2024 оны ээлжит сонгуулийн санал хураалт өнөө өглөөний 7 цагаас 20 цагийн хооронд үргэлжилж, өндөрлөлөө.
Сонгуулийг мажоритар тогтолцоогоор зохион байгуулж, 2395 тойрогт нам эвсэл болон бие даагч, нийт 17278 нэр дэвшигч 8031 мандатын төлөө өрсөлдлөө. Өөрөөр хэлбэл, 18 насанд хүрсэн, энэ оны хоёрдугаар сарын 15-ны өдрөөс өмнө аймаг, нийслэл, сум, дүүрэгт шилжин суурьшсан иргэн тухайн шатны хурлын төлөөлөгчөөр сонгогдох эрх нь үүссэн.
Хуваарь ёсоор, есдүгээр сарын 12-ныг дуустал нэр дэвшүүлэх ажиллагаа үргэлжилж, үүний дараа 14 хоногийн хугацаанд нэр дэвшигчид сурталчилгаагаа явуулав. Өнөөдөр ийнхүү санал хураалт 20 цагаас өндөрлөснөөр сонгуулийн дүнг дамжуулах ажил эхэлж байна.
Хяналтын тооллогыг 50 хувьд нь явуулж болох хэдий ч тухайн шатны сонгуулийн байгууллага энэхүү босгыг 100 хувь болгож өндөрсгөх эрхтэй.
