Энэ бол Хэнтий аймгийн Чингис хаан хотоос Норовлин сум руу тавьсан 68,6 км авто зам дагуух далан, гүүрийн байгууламжийн нэгээхэн хэсэг нь. Замын барилга угсралтын ажлыг “Наранбулаг-Хан" ХХК, зураг төслийг “Мон-Аз” ХХК хийснийг ЗТЯ мэдээлжээ.

Зурагт харагдаж буй далангийн суурийн өргөн 11метр, асфальт бетон хучилтын өргөн 8 метр, зорчих хэсгийн өргөн 7 метр. Хучилтын хийцийн тухайд хөлдөлтөөс хамгаалах үе 30 см, цементээр бэхжүүлсэн суурь 20 см, суурь асфальт бетон 40 см, өнгө асфальт бетон 30 мм, хөвөөний өргөн 1,5 метр.

Нийт замын туршид 18 цэгт дан болон хос дөрвөлжин, дугуй төмөр бетон ус зайлуулах хоолой, 3 төмөр бетон гүүр, 10м урт хавтан дам нуруутай гүүр 2, 15 м урт дам нуруутай гүүр нэгийг барьжээ.

Монгол Улсад зам, гүүрийн стандарт гэдэг юм байхгүй л гэдэг. Харин тэр стандарт нь Хэнтий аймагт бол байна. Нийслэлд ч байхгүй стандарт.

2024 оны төсвийн хөрөнгө оруулалтаар Хэнтий аймаг улсын дунджаас гурав дахин, улсын төсөвт хамгийн их мөнгө тушаадаг Өмнөговь аймгаас 18 дахин, нэг хүнд ноогдох төсвийн хөрөнгө оруулалтаар Улаанбаатараас 7 дахин Завхан аймгаас 10 дахин их гарсан нь ийм учиртай.

Дашрамд сануулахад Норовлин сум руу тавьж байгаа замын ажил дуусаагүй, эхний 68 км-ыг л ашиглалтад оруулсан. Харин сум маань аймгийн төв буюу Чингис хаан хотоос 200 км зайтай, нийт хүн ам 2200 орчим, аймгийнхаа 17 сумаас хүн амын тоогоор эхний 7-д ордог гэнэ дээ...