Монголын урчуудын эвлэлийн гишүүн, зураач Л.Бумандорж, Ц.Нармандах нар бол 1970-аад оноос Монголд, 1980 оны дунд үеэс БНАГУ-д дүрслэх урлагийн боловсрол эзэмшсэн гэр бүлийн уран бүтээлчид, гучаад жил Монголын дүрслэх урлагийн салбарт үе үеийн зураач урчуудыг бэлдсэн сурган хүмүүжүүлэгч багш нар.
Тэд гадаад, дотоодод олон үзэсгэлэн гаргахын зэрэгцээ эх орноороо жилийн дөрвөн улиралд аялж, байгалиас суралцаж, бүтээлээ туурвисаар байна. “Бидний ертөнц” хамтарсан уран бүтээлийн үзэсгэлэнд тэдний хүүхэд ахуйгаас өнөөг хүртэлх цаг хугацаанд бүтээсэн ажлууд, дүрслэх урлагийн олон төрлөөр бүтээсэн уран бүтээлүүдийг дэлгэж үзүүлнэ.
Үзэсгэлэнгийн нээлт ирэх сарын нэгний 15.00 цагт Г.Занабазарын нэрэмжит Дүрслэх урлагийн музейн үзэсгэлэнгийн танхимд болно.
