Дэлхийн хошой аварга, МУГТ Г.Болор-Эрдэнэ “Парис-2024” паралимпын наадмын эрэгтэйчүүдийн таеквондогийн 63 кг-д мөнгөн медаль хүртсэн билээ. Олимпийн мөнгөн медальт тамирчнаа Сүхбаатар аймаг, Асгат сумын удирдлагууд, орон нутгийн иргэд хүлээн авч, хүндэтгэл үзүүлсэн байна. Энэ үеэр Сүхбаатар аймгаас түүнийг 50 сая төгрөгөөр урамшуулжээ.
Мөн тамирчны анхны багш, таэквондогийн “Эхлэл” клуб, “Амжилт кибер” сургуулийн багш Н.Нэргүйг 15 сая төгрөгөөр, Монгол Улсын гавьяат дасгалжуулагч Д.Батнасанг 5 сая төгрөгөөр шагнажээ.
Пара таеквондогийн Үндэсний шигшээ багийн дасгалжуулагч Д.Батнасанг хэдхэн хоногийн өмнө Ерөнхийлөгч У.Хүрэлсүх Монгол Улсын Гавъяат дасгалжуулагч цолоор шагасан юм.
