Улсын хэмжээнд энэ сарын нэгний байдлаар 96.5 мянган тонн хадлан, 21.4 мянган тонн хүнсний ногоо, 16.5 мянган тонн төмс хурааж, 3.1 мянган тонн гар тэжээл бэлтгэжээ.

Өнгөрсөн оны мөн үеийнхтэй харьцуулахад хураасан төмс 8.5 мянган тонн буюу 2.1 дахин, хүнсний ногоо 2.3 мянган тонн буюу 12.2 хувиар, гар тэжээл 654.8 тонн буюу 26.7 хувиар нэмэгдсэн байна. Харин бэлтгэсэн хадлан 11.7 мянган тонн буюу 10.8 хувиар багассаныг Үндэсний статистикийн хороо мэдээлэв.