Дорнод аймгийн Дашбалбар сумын нутаг дэвсгэрт "Улааны" холимог металлын ордод олборлолт, баяжуулалтын чиглэлээр үйл ажиллагаа явуулдаг "Шинь Шинь" ХХК олон улсын чанарын ISO 9001:2015, хөдөлмөрийн эрүүл мэнд аюулгүй ажиллагааны ISO 45001:2018 стандартуудыг амжилттай нэвтрүүлжээ.

Шинь шинь” ХХК-ийн ТУЗ-ийн дарга Сун Гуй Мин:

-Чанарын менежментийн 9001:2015, хөдөлмөрийн аюулгүй байдал эрүүл ахуйн 45001:2018 стандартуудыг нэвтрүүлэхийн тулд нийт ажилчид хамт олон маань асар их хүч хөдөлмөр зарцуулсан. Үйлдвэрлэлийн болон хөдөлмөрийн аюулгүй ажиллагааны норм, стандартуудыг маш сайн мөрдөж ажилладаг. Ажилчдаа тогтмол сургалтад хамруулж байна.

Үйлдвэрлэлийн хүчин чадлаа сайжруулах, бүтээгдэхүүний чанараа сайжруулах, хөдөлмөрийн орчныг сайжруулах, ажилчдын тав тухтай орчиныг бүрдүүлэх, байгаль орчиноо хамгаалах ажлыг бид өдөр тутам чанарын өндөр түвшинд хийж гүйцэтгэж байна.

Олон улсын чанарын стандартын итгэмжлэгдсэн “Монсертф” ХХК-ийн ерөнхий захирал Б.Билгүүн:

-“Шинь шинь” ХХК менежментийн тогтолцооны хоёр стандартыг амжилттай нэвтрүүлж стандартын гэрчилгээнүүдээ гардлаа. ISO 9001:2015 стандартаар менежентийн стандарт хангасан бүтээгдэхүүн, үйлчилгээг чанартай гэж үздэг. Хоёр дахь стандарт нь хөдөлмөрийн эрүүл мэнд аюулгүй ажиллагааны ISO 45001:2018 стандарт. Энэ нь тухайн байгууллага ажилчдынхаа эрүүл мэнд, аюулгүй байдалд анхаардаг гэдгийн нотлогоо. Тус компани дээрх стандартуудыг нэвтрүүлэхийн тулд нэлээдгүй хүчин чармайлт гаргасан, хөндлөнгийн зөвлөх үйлчилгээ авч, бүх ажилчдаа сургасан байна. Энэ нь “Шинь шинь” ХХК-д ажиллаж байгаа ажилчид эрүүл мэнд, аюулгүй байдалдаа итгэлтэй байж болно гэсэн үг.

Энэхүү гэрчилгээ маань гурван жилээр олгогддог учраас 3 жилийн дараа “Шинь шинь” ХХК-д байгууллагын соёл стандарт нь өөрөө тогтсон байна. Түүний дараа жил болгон магадландаа хамрагдаад явах ёстой.