Баянгол дүүргийн Засаг даргын Тамгын газрын ивээл дор дүүргийн Ерөнхий боловсролын сургуулийн ахлах ангийн сурагчдын дунд дүүргийн Онцгой байдлын хэлтэс, Нийгэм хөгжлийн хэлтэс, Улаан загалмайн хороо хамтран гамшиг, ослоос урьдчилан сэргийлэх мэдлэг олгох, дадлагажуулах зорилгоор "ӨСВӨРИЙН АВРАГЧ 2023" тэмцээнийг өнөөдөр /2023.09.22/ зохион байгуулав.
Тэмцээнд жагсаалын үзүүлэх тоглолт, танин мэдэхүйн асуулт, хариулт, анхны тусламж , усанд осолдогчийг аврах, хүч, авхаалж самбаа сорих, гал унтраах, химийн хордолтын бүсэд ажиллах зэрэг төрлүүдээр өртөөлөн ур чадвараа сорилоо
Тэмцээнд хурд, хүч, авхаалж самбаагаараа өрсөлдөж “Тэргүүн байр”-т ерөнхий боловсролын 20-р сургууль, “Дэд байр”-т ерөнхий боловсролын 38 дугаар сургууль, “Гутгаар байр”-т ерөнхий боловсролын 51 дүгээр сургуулийн баг тамирчид тус тус шалгарч, шилжин явах цом, алт, мөнгө, хүрэл медаль, өргөмжлөл, мөнгөн шагналаар шагнууллаа.
Мөн "Шилдэг сурагч"-аар ерөнхий боловсролын 38 дугаар сургуулийн сурагч Т. Төгөлдөр шалгарч Өргөмжлөл, алтан медаль, мөнгөн шагналын эзэн боллоо.
