Засгийн газрын ээлжит хуралдаан өнөөдөр болж байна. 

Өнөөдрийн хуралдаанаар коронавируст халдварын цар тахлын нөхцөл байдал, авч хэрэгжүүлж байгаа шуурхай хариу арга хэмжээний талаар болон цар тахлын нөхцөл байдалтай уялдуулан Эрүүл мэндийн яамнаас дөрөвдүгээр сарын 3-18-н хүртэл “Гамшгаас хамгаалах бүх нийтийн бэлэн байдал”, эрсдлийн "УЛААН" түвшинд буюу хатуу хөл хорионд шилжих тухай саналыг УОК-т гаргасансан. Тус саналыг Улсын Онцгой комисс дэмжиж, Засгийн газарт танилцуулахаар болсон. Уг асуудлыг өнөөдөр эцэслэн шийдвэрлэнэ.

Мөн "Эрүүл мэндээ хамгаалж, эдийн засгаа сэргээх 10 их наядын цогц төлөвлөгөө"-ний хэрэгжилтийн тухай, Коронавируст халдвар (КОВИД-19)-ын цар тахлын голомтот бүсэд ажиллаж буй эмч, эрүүл мэндийн ажилтнуудад санхүүгийн дэмжлэг үзүүлэх болон агаарын тээвэр, аялал жуулчлалын талаар авах зарим арга хэмжээний тухай зэрэг 20 орчим асуудал хэлэлцэхээр төлөвлөжээ.