x

Хүүхдүүдээ алагчилсан Засгийн газрыг Цэцэд өгье!

Хуульчид Үндсэн хуулийн Цэцийн гишүүдийг шинээр томилсон УИХ-ын шийдвэрийг Үндсэн хуулийн Цэцэд өгнө гэв. Харин би хувьдаа хүүхдийн мөнгийг ялгавартайгаар олгож байгаа Засгийн газрын шийдвэрийг Цэцэд өгөх саналтай байна. Монгол Улсын Үндсэн хуульд “Монгол Улсад хууль ёсоор оршин суугаа хүн бүр хууль, шүүхийн өмнө эрх тэгш байна. Хүнийг үндэс, угсаа, хэл, арьсны өнгө, нас, хүйс, нийгмийн гарал, байдал, хөрөнгө чинээ, эрхэлсэн ажил, албан тушаал, шашин шүтлэг, үзэл бодол, боловсролоор нь ялгаварлан гадуурхаж үл болно” гэсэн байна.

Ялгаварлан гадуурхаж үл болох шалтгаануудын дотор яс, үндэс, хэл соёл, шашин шүтлэгээс гадна “нийгмийн гарал, байдал, хөрөнгө чинээ, эрхэлсэн ажил, албан тушаал”-аар ч гэсэн ялгаварлаж болохгүй гээд тодоос тод биччихсэн байгаа биз. Хуулиар хязгаарласнаас бусад (гэмт хэрэг үйлдэж эрхээ хасуулсан гэх мэт) ямар ч тохиолдолд хэний ч эрхийг төр өөрийн дур зоргоор хязгаарлаж, хасч болохгүй. Тиймээс Үндсэн хуульд заасан “хуулийн өмнө ижил тэгш байх” эрхээ эдлэх үүднээс хүүхдийн мөнгийг ялгавартайгаар олгож буй Засгийн газрын шийдвэр, УИХ-ын тогтоолыг Үндсэн хуулийн Цэцэд өгье.

2009 онд УИХ анх Хүний хөгжлийн санг байгуулахдаа “нэгдүгээрт, хүн амын өсөлтийг дэмжих, хоёрдугаарт уул уурхайн баялгаас олсон орлогоосоо иргэн бүртээ хувь хүртээнэ” гэж амлаад 0-18 насны хүүхэд бүрт сар бүр 20 мянган төгрөг олгохоор хууль баталсан билээ. Хүний хөгжил сангаас хувь хүртэхийн тулд “Иргэний шинэчилсэн бүртгэлд хамрагдсан, хаягийн зөрчилгүй байх” ёстой. Өөр ямар ч болзол заагаагүй.

Гэтэл 2016 оны сонгуулийн үр дүнгээр гарч ирсэн МАН-ын Засгийн газар “Эдийн засгийн хямралтай” гэдгээр шалтагнлан хүүхдийн мөнгөний хамрах хүрээг 60 хувь хүртэл танасан. Нийт хүүхдийн 60 хувьд нь хүүхдийн мөнгө олгодог болсон гэсэн үг. Үүний тулд Хөдөлмөрийн яамнаас хэдэн арван тэрбумын зардал гаргаж, айл өрх бүрийн зурагт, хөргөгчийг тоолоод зогсохгүй хөргөгчин доторхийг нь хүртэл шагайж үзсэн билээ. Ингээд “Халамжийг хавтгайруулахгүй, зорилтот бүлэгт нь чиглүүлнэ” гэж хэлээд сая гаруй хүүхдээс 600 мянгад нь л хүүхдийн мөнгийг олгож эхэлсэн. Харин одоо үүнийгээ 80 хувьд хүргэх тухай ярьж, өглөгчийн дүрд тоглож байна.

Үнэндээ бол хүүхдийн мөнгө анхнаасаа л хүн амаа өсгөх, уул уурхайн баялгаас иргэн бүртээ хувь хүртээх бодлого байснаас биш, баян ядуугаар нь талцуулж, амьжиргааны түвшингээр нь дээр, доор үзсэн алагчлал байгаагүй. Тиймээс хүүхдийн мөнгийг өгвөл хүүхэд нэг бүрт өгөх ёстой. Өгч чадахгүй бол үүнийгээ хүлээн зөвшөөрөөд нэгэн зэрэг зогсоох ёстой. Хэрвээ “Төсөв хямралтай байгаа учраас” гэдэг шалтаг хэлэх гэж байгаа бол нэг хэсгийг нь хасаад нэгөө хэсэгт нь өгөхийн оронд нийтээр нь хэмжээг нь бууруулаад 10.000-ыг өгнө үү, 15.000-ыг өгнө үү, эрх баригчдын шийдэх хэрэг. Хамгийн гол нь хуваарилалт шударга байх ёстой.

Иргэд ч гэсэн “Би ч гэсэн энэ улсын иргэн учраас, миний хүүхэд энэ улсын бүрэн эрхэт иргэн учраас аль ч талаараа алагчлагдах ёсгүй” гэж толгой дээгүүр хэлж чаддаг байх ёстой. (Ядарсан зүдэрснээ яаж өргөх нь төрийн асуудал, түүний төлөө таны хүүхэд золиос болох ёсгүй л гэх гэсэн хэрэг) Авч байгаа нь ч, авахгүй үлдэж байгаа нь ч хэлэх ёстой. Ийм жижиг зүйл дээр ч гэсэн эрхээ хамгаалж чадахгүй бол илүү том зүйл дээр хэзээ, ямар шударга ёсны тухай ярих вэ? Тиймээс хүүхдийн мөнгөн дээр хүртэл ялгаварлал гаргаж байгаа Засгийн газрыг хамгийн түрүүнд Үндсэн хуулийн Цэцэд өгье.

Б.СЭМҮҮН   

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iШинэ мэдээ
М.Бадамсүрэн: Газрын тос боловсруулах үйлдвэр байгуулах нь эдийн засгийн аюулгүй байдлын хувьд маш чухал 15 цаг 3 мин Доржготов: Х.Баттулгыг ингэж туйлуулаад байвал АН-д юун ялалт, ирээдүй нь ч бөхнө 15 цаг 13 мин Хүний эрхийн дэд хороо иргэний нийгмийн байгууллагуудтай ээлжит уулзалтаа зохион байгуулав 15 цаг 18 мин Хөвсгөлд 10 мегаваттын нарны цахилгаан станц ашиглалтад орлоо 15 цаг 19 мин "Super Bowl" 59 дэх удаагийн тэмцээн телевизийн түүхэнд дээд амжилт тогтоов 15 цаг 20 мин АНУ-ын Сангийн сайд Скотт Бессент Украиныг зорихоор төлөвлөж байна 15 цаг 22 мин Хиймэл оюун ухааны бэлэн байдлыг үнэлэх судалгааг хийж байна 15 цаг 30 мин Багахангай-Хөшигийн хөндийн төмөр замын санхүүжилтийг дотоод нөөцөөр шийдвэрлэнэ 15 цаг 32 мин Засгийн газрын ээлжит хуралдаанаар автозамын түгжрэлийг бууруулах хуулийн төслийг хэлэлцэв 15 цаг 34 мин 2025 оны Улсын аварга малчин, тариаланчдыг шалгарууллаа 15 цаг 36 мин Зам тээврийн салбарын статистик мэдээлэл 15 цаг 37 мин Хөдөлмөр эрхлэлтийн үндэсний зөвлөлийн хурал боллоо 20 цаг 50 мин Засгийн газрын өнөөдрийн ээлжит хуралдаанаар хэлэлцэх асуудлууд 20 цаг 53 мин Өнөөдөр болох үйл явдлын тойм: 20 цаг 54 мин Үндэсний бөхийн тамирчдад допингийн хяналтыг тогтмолжуулна 20 цаг 56 мин Булган аймгийн ИТХ-ын төлөөлөгч асан С.Гал-Эрдэнийн хахууль өгөх хэрэг шүүхээр шийдвэрлэгдэв 21 цаг 0 мин Аваргуудын лиг: "Реал Мадрид" "Манчестер Сити"-г хожиж, хариу тоглолтын өмнө давуу тал олж авлаа 21 цаг 1 мин Цаг агаарын мэдээ: Өнөөдөр нутгийн ихэнх хэсгээр тогтуун байна 21 цаг 4 мин Израилын Ерөнхий сайд: ХАМАС барьцааны хүмүүсийг суллахгүй бол тулалдаан дахин эхэлнэ 21 цаг 5 мин Ерөнхийлөгч У.Хүрэлсүх Батлан хамгаалахын стратегийн цугларалтад оролцов 21 цаг 7 мин
iИх уншсан
Түгжрэлийн эсрэг нийтээрээ: Өршөөлийн хугацаа амласан соёлын... Д.Рэгдэл: Угаартаж нас барсан нь түлшнээс биш, зуухнаас шалт... АНУ-д гадаад тусламжийн USAID агентлаг хаагдаж байна: USAID ... Хойд Солонгосын цэрэг Оросын Курск мужид байсаар байна Р.Амаржаргал: Том зорилгоо 30 жилээр тодорхойлоход Л.Оюун-Эр... Бурханд халдаж, бугийг нүцэглэгч Ж.Дэлгэрсайхан: Том компаниудаа улам томруулах, жижгүүд нь б... Доржготов: Х.Баттулгыг ингэж туйлуулаад байвал АН-д юун ялал... М.Бадамсүрэн: Газрын тос боловсруулах үйлдвэр байгуулах нь э... Жанжин Арлын агуу хоёр хүчирхэг үндэстэн Н.Ганибал: Хамтарсан засгийн үед Сонгуулийн тухай хуулийг за... Тайванийн жүжигчин Барби Сю таалал төгсөж, нөхөр нь албан ёс... Ч.Лодойсамбуу: Ерөнхий сайдыг огцруулах санал гаргалаа АНУ Олон улсын эрүүгийн хэргийн шүүхийн эсрэг хориг тогтоов “Эхийн алдар” одонгийн журамд өөрчлөлт орлоо "Улаанбаатарын өвлийн наадам" энэ сарын 15-16-нд болно Үл хөдлөх хөрөнгийн татварын орлого буурчээ Хугацаатай картын ашиглалт 2025 оны гуравдугаар сарын 1-нээс... Голомт банк SIMPL хөрөнгө оруулалтын байгууллагаас урт хугац...
Top