Сарны гадаргад хүн хөл тавьсан түүхэн үйл явдал олон арван жилийн туршид маргаан, хардлагын сэдэв болсоор ирсэн. Зарим хүмүүс “Аполлон-11” хөлгийн аяллыг, тэр дундаа Нил Армстронг, Базз Олдрин нар Сарны хөрсөн дээр буусан үйл явцыг киноны студид бүтээсэн хиймэл зураг авалт гэж үздэг. Гэвч энэ нь үндэслэлгүй төөрөгдөл бөгөөд олон улсын шинжлэх ухааны нотолгоо түүнийг няцааж иржээ.

Эхэндээ энэ төөрөгдлийг Зөвлөлтийн зарим эрдэмтэд дэмжиж байсан нь тухайн үеийн улс төр, өрсөлдөөний уур амьсгалтай холбоотой байв. Гэвч дараа нь олон баримт, бодит солилцоо энэ эргэлзээг арилгасан юм. АНУ-ын “Аполлон” хөтөлбөрийн хүрээнд 1969 оны долоодугаар сарын 20-нд Сар руу нисэх аялал хийгдэж, уг үйл явдлыг шууд дамжуулан олон нийтэд үзүүлсэн. Харин тухайн үед Баруунтай мэдээллийн сөргөлдөөнтэй байсан Зөвлөлтийн тал түүнийг дамжуулаагүй нь эргэлзээнд хүргэсэн байж болзошгүй.

Гэсэн ч дараах баримтууд энэ нислэг бодит байсныг батална:

• “Аполлон-11”, “Аполлон-12” хөлгүүд Сарны хөрснөөс дээж авчирсан

• 1971 онд энэ дээжийг Зөвлөлтийн “Луна-16” станцаас ирүүлсэн дээжтэй харьцуулан, хоёр тал харилцан солилцсон

• 2024 онд “Роскосмос”-ын дарга асан Юрий Борисов “Америкчуудын авчирсан дээж жинхэнэ Сарны хөрснийх гэдгийг шинжилгээ харуулсан” гэж мэдэгдсэн

Иймд Америкийн сансарт нисэгчид Саран дээр хөл тавьсан нь зохиомол бус, хүн төрөлхтний шинжлэх ухаан, техникийн томоохон амжилт гэж үзэх үндэстэй юм.

Эх сурвалж: RBC.ru