“Монгол Улсад эмчлэгдэх боломжгүй өвчлөлийг бууруулах” бодлогын хүрээнд Улсын Нэгдүгээр Төв эмнэлэг (УНТЭ) тархи, нугасны гүний болон төвөгтэй байрлалтай хавдар, хавдар төст эмгэгүүдийн мэс заслын эмчилгээг бүрэн нутагшуулахаар ажиллаж эхэлжээ. Энэ хүрээнд Бүгд Найрамдах Турк Улсын КОЧ их сургуулийн эмнэлэг, Американ эмнэлэгүүдэд мэс заслын эмч, мэргэжилтнүүдийг сургаж мэргэшүүлсэн байна.

Эрүүл мэндийн үйлчилгээний чанар, хүртээмжийг сайжруулах зорилтын хүрээнд Баянзүрх дүүргийн 8 дугаар хорооны нутаг дэвсгэр, Ерөнхий боловсролын 92 дугаар сургуулийн зүүн талд шинээр барьсан найман давхар эмнэлэг ашиглалтад орлоо. Энэхүү эмнэлэг нь дүүргийн зүүн бүсийн 12 хорооны иргэд, тэр дундаа өндөр настан, бага насны хүүхдүүдэд эрүүл мэндийн анхан шатны тусламжийг түргэн шуурхай хүргэх зорилготой юм.

Хавдар судлалын үндэсний төв (ХСҮТ) хавдрын гол үйлчилгээнүүдийн хүлээгдэл, чирэгдлийг арилгах зорилт тавин ажиллаж, өмнө нь 1–2 сар хүлээдэг байсан туяа эмчилгээг ердөө хоёр хоногийн дотор авах боломж бүрдүүлжээ.

Эрүүл мэндийн яамны Шинжлэх ухаан, технологийн зөвлөлийн 2025 оны зургаадугаар сарын 3-ны өдрийн 02 дугаар хуралдаанаар эрүүл мэндийн тусламж үйлчилгээнд нэвтрүүлэх дэвшилтэт технологийн тэргүүлэх чиглэлийн төсөл, арга хэмжээний саналын жагсаалтын төслийг хэлэлцлээ.

Гэмтэл согог судлалын үндэсний төвд 2025 оны зургаадугаар сарын 2-ны өдөр Тайванийн “Tri-Service” эмнэлгийн удирдлагууд болон төлөөлөгчид албан ёсоор зочилж, хамтын ажиллагааны гэрээг шинэчлэн байгууллаа. Уулзалтын үеэр хоёр байгууллагын төлөөлөл болох ГССҮТ-ийн үйл ажиллагаа хариуцсан дэд захирал Б.Батзориг, “Tri-Service” эмнэлгийн захирал Юн Хао Чиен нар хамтран санамж бичигт гарын үсэг зурсан байна.

ХӨСҮТ-өөс 2025 оны зургаадугаар сарын 2-ны байдлаар улаанбурхан өвчний нөхцөл байдлын талаар мэдээлэл өглөө. Одоогийн байдлаар лабораториор батлагдсан тохиолдол 4816-д хүрсэн бол эмнэлэгт хэвтэн эмчлүүлж буй хүн 642, гэрээр эмчлүүлж байгаа хүн 1025, бүрэн эдгэрсэн нь 3147 байна. Мөн 36 307 хүн хавьталд бүртгэгдсэн бөгөөд уг өвчнөөр хоёр хүн нас баржээ.

Канола, наранцэцгийн тос зэрэг үрийн гаралтай ургамлын тоснууд сүүлийн жилүүдэд эрүүл мэндэд сөрөг нөлөөтэй гэх мэт олон хэл аманд өртөж, "хор", "хортой бодис" гэх нэр зүүж, интернет дэх шүүмжлэл, айдас хүйдэс дагуулсан гол сэдэв болсон. “Үзэн ядсан найм” хэмээн нэрлэгдсэн эдгээр тосонд канола, эрдэнэ шиш, хөвөнгийн үр, усан үзмийн яс, шар буурцаг, будааны хивэг, наранцэцэг, сафлор ордог бөгөөд зарим хүн зүрх судасны өвчин, чихрийн шижинг эдгээртэй холбон үздэг.

Халдварт өвчин судлалын үндэсний төвөөс 2025 оны тавдугаар сарын 30-ны байдлаарх улаанбурхан өвчний нөхцөл байдлыг танилцууллаа. Уг мэдээллээр улаанбурхан өвчний лабораториор батлагдсан нийт тохиолдол 4274, эмнэлэгт хэвтэн эмчлүүлж байгаа хүн 551, гэрээр эмчлүүлж буй хүн 938, эдгэрсэн 2793, хавьтал 44,774, нас баралт 2 бүртгэгдээд байна.

Эх хүүхдийн эрүүл мэндийн үндэсний төв (ЭХЭМҮТ)-д анх удаа амьд донороос хүүхдэд бөөр шилжүүлэн суулгах мэс заслыг амжилттай хийжээ. Уг мэс заслын реципиент нь 13 настай хүүхэд бөгөөд түүний ээж донор болсон байна.

ЭХЭМҮТ, УГТЭ, ГССҮТ, СЭМҮТ зэрэг улсын хэмжээнд үйл ажиллагаа явуулдаг томоохон эмнэлгүүдийн эмч, мэргэжилтнүүд “Эрхэм нандин сувд” төрийн бус байгууллагатай хамтран хөгжлийн бэрхшээлтэй хүүхдүүдийг хамруулсан урьдчилан сэргийлэх, төрөлжсөн үзлэг оношилгооны арга хэмжээг амжилттай зохион байгууллаа. Тус үзлэгийг дөрвөн өдрийн турш зохион байгуулсан бөгөөд энэ нь хөгжлийн бэрхшээлтэй хүүхдүүдийн эмнэлгийн тусламж үйлчилгээний хүртээмжийг нэмэгдүүлэх, эрт оношилж, цаашдын эмчилгээ сувилгаа төлөвлөхөд чухал нөлөө үзүүлж байна.

Халдварт өвчин судлалын үндэсний төвөөс мэдээлснээр, 2025 оны тавдугаар сарын 28-ны байдлаар улаанбурхан өвчний нийт лабораториор батлагдсан тохиолдол 3683-д хүрчээ.

Зүрх тасралтгүй ажиллаж, амьдралыг дэмждэг хамгийн чухал булчин боловч бусад булчингууд шиг амархан ядардаггүй. Үүний учир нь зүрхний бүтэц, энерги үйлдвэрлэл, цусан хангамж, мэдрэлийн зохицуулалттай шууд холбоотой.

Сэлэнгэ аймгийн Эрүүл мэндийн газраас зохион байгуулсан “Салбарын хөгжилд — Бидний манлайлал” онол, практикийн бага хурал энэ долоо хоногт амжилттай болж өндөрлөлөө. Аймгийн Засаг даргын ивээл дор зохион байгуулагдсан тус хуралд төр болон хувийн хэвшлийн 16 эмч, сувилагч, эмнэлгийн мэргэжилтэн оролцож, өөрсдийн хийсэн судалгаа, нийтлэлээ танилцуулсан байна.

Дорнод аймагт улаанбурхан өвчний сэжигтэй тохиолдол илэрч, Сүхбаатар аймгаас ирсэн 9 сартай хүүхэд улаанбурхнаар өвчилсөн нь лабораториор батлагдаад байна. Хүүхдийг Бүсийн оношилгоо, эмчилгээний төвийн Халдварын тасагт хэвтүүлэн эмчилж байгаа бөгөөд ойрын хавьталд орсон иргэдийг вакцинд хамруулахаар зохион байгуулж байна.

“Монгол Улсад эмчлэгдэх боломжгүй өвчин” бодлогын хүрээнд дэвшилтэт технологи нэвтрүүлэх, хүний нөөцийг бэлтгэх зорилгоор Улсын хоёрдугаар төв эмнэлгийн (УХТЭ) таван эмчээс бүрдсэн баг БНХАУ-ын Шанхай хотод “Зүрхний титэм судасны хүнд хэлбэрийн нарийсал, судасны дисплази эмчилгээ”-ний чиглэлээр мэргэшиж, амжилттай суралцаад ирлээ.