Ер нь бол бид кино үзэж байхдаа дэлгэцнээ гарч буй зүйлийг бүхэлд нь хүлээн аваад жижиг сажиг зүйлийг хардаггүй. Ийм байтал зарим киноны үйл явдал нь захаасаа мартагдаад эхэлсэн ч хувцас загварууд нь олон жилээр хадгалагдан үлдсэн байх жишээтэй. Киноны өндөр нэр алдар нь түүнийг бүтээхэд нэртэй загвар зохион бүтээгчид оролцсоны гавъяа юм. Найруулагчид, загвар бүтээгчдийн үр дүнтэй хамтран ажилласны хэдэн жишээг одоо танилцуулья.
Гарри Маршаллын “Хөөрхөн бүсгүй” (1990) киноны Нино Черрутийн оролцоо
Жулия Робертс болон Ричард Гир хоёр алдарт “Хөөрхөн бүсгүй” киногоороо нэрд гарч байсан юм. Уг кино гол дүрийн эмэгтэйн ер бусын дэгжин хувцсаар дурсагдан үлджээ. Тэднээс цагаан толбон хээтэй дэгжин хүрэн даашинз болон мөр нь онгорхой улаан даашинз аргагүй л санаанд бууна. Тэднийг хувцасны зураач Мэрилин Вэнс бүтээсэн юм. Харин Ричард Гирийн өмссөн хувцаснуудыг бараг тэр чигт нь Италийн дизайнер Нино Черрути бүтээжээ.
Сонирхуулахад киног бүтээж байхад АНУ-д хүртээмжтэй байсан хувцаснаас гол баатарт нь аль ч тохироогүй гэдэг. Олон твид костюмууд Гирт нэг л зохиж өгөхгүй байжээ. Вэнс түүний хувцасыг зохисон байхыг хүссэн ба түүнд нь Черрути туслажээ. Италийн урлан гол баатрыг костюмаар төдийгүй зангиа цамцаар хангаж өгсөн гэнэ.
Алан Паркерын “Эвита” (1996) киног Жон Гальяно гоёсон юм
Аргентины тэргүүн хатагтай Эве Дуарте де Пероны тухай өгүүлэх “Эвита” уран сайхны кино нь гол дүрийн жүжигчин Мадоннагаас гадна түүний дэгжин гоёлуудаар үзэгчдийн анхааралын төвд байв. Бүх киноны явцад Эвита 85 хувцас солин гоёсон байдаг ба киноны дараа ч Мадонна дүрийнхээ стилийг нэг хэсэг хугацаанд хадгалж байсан юм.
Киноны хувцасны хэсгийг 1996 онд Диор загварын ордны уран сайхны захирал болсон Английн дизайнер Жон Гальяно бүтээжээ. “Эвита”-д зориулан хэд хэдэн гоёлыг Кристиан Диорыг амьд байхад ордонд нь бүтээсэн байв. Лос-Анжелест киноны нээлт болоход Мадонна баатрынхаа сонирхолд нийцэхээр гоёлтой ирж байлаа.
Ирвин Уинклерын “Хонгорхон” (2004) киноны Жоржио Арманийн бүтээл
Америкийн хөгжмийн зохиолч Коул Портер түүний эхнэр Линдагийн тухай киног киноны шүүмжлэгч нар таатай хүлээн аваагүй. Гэхдээ л энэ киног хувцаснаас нь болж үзэж болно. Эшли Жадд, Кевин Клайн хоёрын баатрууд дэлгэцнээ ямар гоё стилийн харагддаг билээ. Портерууд шиг хүмүүс ХХ зууны эхний хагаст загварын ертөнцийн жишиг байж дээ. Италийн загвар бүтээгч Жоржио Армани Клайны баатрын бүх хувцсыг нэгд нэггүй бүтээжээ. Өөрийнх нь хэлснээр Портерын хувцаслалт өнгөрсөн зууны загварын хандлагын өөрчлөлтийг жишиг болохоор харуулсан ажээ. Арманий киноны баатар эмэгтэйн хувцаснаас ч бүтээлцсэн юм. Үзэгчдэд түүний хуримын атласан даашинд үлджээ.
София Копполагийн “Мария Антуанетта” (2006) кинонд Маноло Бланик оролцсон нь
Испанийн гутлын дизайнер Маноло Бланик хүүхэд байхаасаа л Францын хатан хаан Мария Антуанеттаг шүтэн биширч иржээ. Тэгээд ч кинонд дуртайяа оролцсон байна.
Дараа нь Бланик өөрийн бүтээсэн хувцаснууд нь олонд таалагдсан, мөн олон ганган хүүхнүүд түүнийг нь сонирхсонд гайхаж байв. Тансаг дэгжин даашинзууд дор тэр гутлаа анзаарагдахгүй өнгөрнө гэж бодож байсан бололтой.
Бланик гутлуудаа бүтээхдээ XVIII зууны загваруудтай танилцаад түүнийг өөрийн санаа оноогоор баяжуулжээ. Ингэж тэр туузтай, товчтой шаахайнуудыг бүтээсэн байв.
Луки Гуаданьиногийн “Би бол хайр дурлал” (2009) кино дахь Раф Симонс
“Би бол хайр дурлал” кино нь өөрийн хүүгийнхээ найзад дурлан гэр бүлээ үлдээсэн Италид амьдардаг орос цагаач эмэгтэйн тухай өгүүлдэг ба кино нь өөрөө сайн болоогүй. Гэхдээ JilSander брэндийн хувьцастай Тильда Суинтоныг үзэхэд илүүдэхгүй. Дүрийг төгсжүүлэхэд дизайнер Раф Симонс тэр орны уран сайхны захирал байхдаа зүтгэлээ гаргажээ. Хувцас нь тэр эмэгтэйн хувирлыг өөрөө үзүүлж өгнө.
Даррен Аронофскийн “Хар хун” (2010) дахь Rodarte брэнд
“Хар хунгийн” хувцаснууд үзэгчдэд төдийгүй загварын ертөнцөд мартагдашгүй сэтгэлгээ болон дуулиан үлдээсэн билээ. Америкийн эгч дүү хоёр дизайнер Кейт болон Лора Маллевихоёрын оролцоо тэр бүгдийг мандуулсан юм.
Rodarte брэндийг үүсгэгч эгч дүү хоёр уу эсвэл киноны хувцасны зураач Эми Уэскотт уу тэдний аль нь энд давамгайлсан бэ гэдэг маргаан байлаа. Натали Портманы баатрын 40 хувцасны долоог нь эгч дүү хоёр бүтээсэн байлаа, Rodarte гол баатрынх нь хувьд гэнэн романтикаас эхлэд хэт зоригтой бүхэл бүтэн аясыг гоёлд гаргаж чадсан юм.
М.Цогт