x

Трампын хуйвалдаан илчлэгдсээр...

АНУ-ын Ерөнхийлөгчийн сонгуулийн үеэр 2016 онд Трамп ба түүний хамтран зүтгэгчид зуу гаруй удаа оросуудтай уулзсан гэж The New York Times сонин мэдээлэв. Шүүхийн эх сурвалж ба Конгресс дэх  асуулгын материалуудад тулгуурлан тэр сонин энэ тухай мэдээлсэн байв.

Сонин тэмдэглэснээр, Трампын инаугураци  хүртэл түүний  наад зах нь 17  туслахууд болон зөвлөгчид Оросын албаны болон хувь хүмүүстэй, эсвэл тэдний төлөөлөгч нартай, мөн WikiLeaks байгууллагынхантай уулзсан гэжээ. Өөр арваад туслахууд нь өөрсдөө уулзаагүй ч энэ талын мэдээллийг авсан байна.

Энд биеэр уулзахаас гадна утсаар ярилцсаныг мөн цахим шуудангаар харилцсаныг хэлж байгаа аж. Трамп сонгуулийн үеэр өөрөө болон туслахууд нь оросуудтай холбоотой байсан гэдгийг эрс үгүйсгэдэг.

The New York Times сонины тоолсноор, намынхаа их хурал хүртэл Трамп наад зах нь зургаан удаа оросуудтай холбогдсон байв. Трамп энэ үеэр Crocus Group-ын эзэн Арас Агаларовтай уулзсан, ерөнхийлөгчөөс нь захидал авсан мөн Москвад Трамп цамхаг босгох төслөөр орос бизнесменүүдтэй хэлэлцээр хийж байсан гэнэ.

Трампын бага хүү 17 удаа, түүний хүргэн Жаред Кушнер зургаан удаа тус тус оросуудтай холбогдож байсан гэж сонин тоолжээ. Сонгуулийн үеэр оросуудтай Трампын зөвлөх Рожер Стоун хамгаас олон 18 удаа холбогдсон гэж сонинд өгүүлэв.

М.Цогт 

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

Top