Германы иргэний агаарын тээврийн "Lufthansa" компани зорчигч тээврийн эргэлтээр 2018 онд Европын тэргүүн компани болж чаджээ.

"2018 онд 142 сая зорчигчдыг тээвэрлэснээр Lufthansa Group Европдоо нэгдүгээр компани болж чадлаа” хэмээн Лютганзагийн мэдэгдэлд өгүүлсэн байна. Өсөлтийн драйвер нь Цюрих, Мюнхен, Венийн нисэхийн хабууд болсон байна.

Зорчигч тээврийн зах зээлийн лидер нь ийнхүү 2004 оноос хойш анх удаа өөрчлөгджээ. Өмнө нь бүхий л хугацаанд тэргүүн байрыг Франц-Голландын Air France-KLM компани эзэлж иржээ. Харин өнгөрсөн онд уг компани хоёр ангиллаар хойшлон Германы "Lufthansa" болон Их Британы "British Airways IAG" компаниуд тэргүүн эгнээнд орсон байна.

Гэхдээ лидерийн байр нь зорчигч тээврийн эргэлтээр (revenue passenger kilometers, RPK) л өөрчлөгдсөн байна. Энэ үзүүлэлт нь тэдний зорчигчдыг тээвэрлэсэн бүх замын уртыг авч үздэг ажээ.

Гарсан мэдээллийн дагуу 2018 онд "Lufthansa"-гийн тэр үзүүлэлт нь бусад өрсөлдөгч нартай нь харьцуулахад 9 хувиар нэмэгдэн 284,561 тэрбум зорчигч-километр болсон байна. Air France-KLM компанийн хувьд үзүүлэлт 2,8 хувиар нэмэгдэн 255,405 тэрбум зорчигч-километр болсоэ бол British Airways компанийнх 7,1 хувиар нэмэгдэн 270,657 тэрбум зорчигч-километр байв.

"Lufthansa" груп  нь Европын зорчигч тээврийн томоохон компани ба төв байр нь Кельн хотод байрладаг. Компанид өнгөрсөн оны есдүгээр сарын 30-ны байдлаар 135,033 мянган хүн ажиллаж байгаа аж.

М.Цогт