Хоёр жил тутамд зохион байгуулдаг "Дэлхийн нүүдэлчдийн наадам" наймдугаар сарын 31-нээс есдүгээр сарын 6-ны өдрүүдэд Киргиз Улсад болно.
Нүүдлийн соёл иргэншлийн өв уламжлал, соёлыг сэргээх, хадгалж хамгаалах зорилгоор Киргизийн Засгийн газраас төсөл хэрэгжүүлж, ЮНЕСКО-гийн дэмжлэгтэйгээр 2014 онд "Нүүдэлчдийн дэлхийн их наадам" буюу "World Nomad Games"-ийн тоглолтыг Иссик Күл мужийн Чолпон-Ата хотод анх удаа зохион байгуулжээ.
Энэ удаагийн наадамд манай улсаас 47 тамирчин оролцох юм байна. Монголын багийн тугчаар Даян аварга Б.Орхонбаяр сонгогдсон бол улсын заан Б.Серик кураш бөхийн төрлөөр, Улсын заан Д.Анар Монгол бөхийн төрөлд барилдана.
Сэтгэгдэл (1)