Ормузын хоолойгоор нэвтрэх гэж буй бүх хөлөг онгоцны хөдөлгөөнийг зогсооно гэж АНУ-ын Ерөнхийлөгч Д.Трамп мэдэгдсэний дараа газрын тосны үнэ дахин 100 доллароос давлаа.

Брент маркийн газрын тосны үнэ 7.3 хувиар өсөж, 102.3 долларт хүрсэн бол Америкийн WTI маркийн газрын тосны үнэ 8-аас дээш хувиар өсөж 104.8 доллар хүртэл нэмэгдсэн байна.

Өнгөрсөн долоо хоногт Вашингтон ба Техран хоёр долоо хоногийн хугацаанд гал зогсоож, Ормузын хоолойг нээхээр тохиролцсоны дараа нефтийн 20 орчим хувиар буурсан билээ. Гэтэл амралтын өдрүүдэд болсон хоёр талын хэлэлцээ бүтэлгүйтсэн нь эрчим хүчний хямрал гүнзгийрнэ гэсэн болгоомжлолыг төрүүллээ.

Нефтийн үнэ өссөнтэй зэрэгцээд Азийн хөрөнгийн биржүүдийн индексүүд даваа гарагт унасан байна. Тухайлбал, Японы Nikkei 225 индекс 1 хувиар, Өмнөд Солонгосын Kospi 0.8 хувиар тус тус унажээ. Азийн орнууд Ойрх Дорнодын нефтиэс ихээхэн хамааралтай байдаг тул Ираны эсрэг АНУ, Израилын цэргийн ажиллагааны улмаас ихээхэн хохирол амсаж байна.

Үүний зэрэгцээ Ормузын хоолойг хянах гэсэн Трампын төлөвлөгөө нь америкчуудын амьдралд ч нөлөөлжээ. Ням гарагт АНУ-д нэг галлон бензиний үнэ дунджаар 4.12 доллар байсан нь дайн эхэлснээс хойш 38 хувиар өссөн үзүүлэлт юм.

Эх сурвалж: Kazinform