Италийн Милан хотноо өнгөрсөн сарын 2-р сарын 25-наас 3-р сарын 2-ны өдрүүдэд зохион байгуулагдсан Миланы загварын долоо хоногт Монголын ноос, ноолуурын салбарын төлөөлөл “Go Mongolia” үндэсний брэндээр оролцлоо. Энэхүү оролцоог Соёл, спорт, аялал жуулчлал, залуучуудын яам болон Хүнс, хөдөө аж ахуй, хөнгөн үйлдвэрийн яам дэмжин ажиллажээ.

Дэлхийн загварын ертөнцөд топ таван загварын долоо хоногийн нэг гэж тооцогддог Миланы загварын долоо хоног жилд хоёр удаа зохион байгуулагддаг бөгөөд энэ удаад Монголын дизайнерууд “Fashion Hub” төслийн хүрээнд оролцсон нь онцлог байлаа. Энэхүү төсөл нь залуу дизайнеруудын ур чадварыг хөгжүүлэх, туршлага солилцох, загварын зөвлөх, мэргэжилтнүүдтэй хамтран ажиллах боломжийг олгожээ.

Түүнчлэн, “Go Mongolia” талбайд Монгол ноолуурын онцлогийг олон улсын нэр хүндтэй төлөөлөгчдөд танилцуулсан бөгөөд Италийн загварын сэтгүүл Vogue, Миланы бүтик дэлгүүрүүдийн эздүүд, загварын салбарын инфлүэнсерүүд, дизайнерууд, худалдан авагчид болон Миланы загварын долоо хоногийн Ерөнхийлөгч зочлон Монголын ноолуурын ондоошил, чанар, дизайнеруудын бүтээлүүдийг сонирхжээ.

Эх сурвалж: Миланы загварын долоо хоног, Соёл, спорт, аялал жуулчлал, залуучуудын яам