Ерөнхий сайд У.Хүрэлсүх УИХ-ын дарга М.Энхболдыг “Газрын наймаачин” гэж хэлсний дараа УИХ-ын гишүүн Х.Номтойбаяр “М.Энхболд даргыг газрын наймаа хийж байхыг нь би хараагүй” гэж хэлээд онигоонд оров. Хүн ер нь хулгай хийхдээ хажуудаа гэрч байлгана гэж үү дээ. Харуулж байгаад хийсэн бол хулгай биш дээрэм болно биз дээ. Тэгээд ч УИХ-ын дарга М.Энхболдыг газрын наймаа хийж байх цаг дор эрхэм гишүүн Н.Номтойбаяр эхээс төрсөн байсан гэдэгт эргэлзэх хүн олон байна.
Өнгөрсөн баасан гаригт У.Хүрэлсүх, М.Энхболд нарын хийсэн дуэль их ч олон амьтныг хөлдөө чирж, хошин шог болгож байна даа. УИХ-ын гишүүн Ж.Мөнхбат лав У.Хүрэлсүхийн үед НАМЗХ-д орж, улс төрийн карьераа эхлүүлсэн эр. "Тэнэг цэцэн хэрэг үйлдэж тэрэгний дугуй шиг ижилдэж явсан" гэдэг шиг цагтаа Хадгаламж банкийг хамтдаа дампууруулж, Сөүлийн казинод шоволзож явсан "зэвсэг нэгт" ахан дүүс. Харин өнөөдөр М.Энхболдын балгаар "Эр хүнээ байж, эрхий хуруугаа тасдаж хаяад" У.Хүрэлсүхийнхээ хормой хотыг сөхөж явна.
Б.ГАЛ
Сэтгэгдэл (3)