Бага насны хүүхдүүдийн дунд энтеровирүсийн халдвар нэмэгдэж, нийт өвчлөлийн дотор 2 хүртлэх насны хүүхдийн өвчлөл 87 хувийг эзэлж, 74.6 хувь нь гэртээ байдаг хүүхдүүд өвчилж байгаа тул ард иргэдэд уг халдвараас сэргийлэх талаар зөвлөж байна.

1. Эцэг эхчүүдэд зөвлөх нь

Өвчлөлд бага насны хүүхдүүд илүүтэй өртөж байгаа тул хүүхдийг олон нийтийн газар, айл, өрхөөр дагуулж явахгүй байх, 
Гэр орондоо хүүхдийг бие даалгаж орхих, гудамж талбайд тоглуулах, даарч зутрахаас сэргийлж анхаарал халамж тавьж байх
Хүүхэд халуурах, биеэр тууралт гарах, нус шүлс гоожих, хоолой өвдөх, суулгах, татах зэрэг шинж тэмдэг илэрвэл өрхийн эмчид яаралтай хандах;
Дээрх шинж тэмдэг илэрсэн хүүхдийг цэцэрлэг, сургуульд нь явуулахгүй гэрт нь тусгаарлаж , эмчид үзүүлж, зөвлөлгөөг дагаж эмчлэн сувилах
Аль болох хүүхдийн дархлааг сайжруулах, амин дэмээр баялаг, илчлэг сайтай, халуун бүлээн хоол хүнсийг өгөх
Буцалсан ус, чацаргана, аньс, нэрс, үзэмний шүүсийг түлхүү хэрэглэх, хүүхдийн амыг цангуулахгүй байлгах

2. Хувийн эрүүл ахуйг сахих

Гараа нянгийн эсрэг савангаар угаах нь олон халдварт өвчнөөс сэргийлэх ач холбогдолтой.
Хоол бэлтгэх болон идэхийн өмнө 
Ариун цэврийн өрөөнд орсны дараа 
Живх сольсны дараа
Тууралтад халдвартай өвчтөн асарч байгаа тохиолдолд 
Гэрийн тэжээвэр амьтанд хүрсний дараа
Цэцэрлэгжүүлэлт эсвэл хөрстэй харьцсаны дараа
Бага насны хүүхдэд гараа хэрхэн зөв угаах дарааллыг эзэмшүүлэх

3. Гэр орны ариун цэвэр эрүүл ахуй

Гэртээ агааржуулалт, чийгтэй цэвэрлэгээ хийх;
Хаалганы бариул, утас, хүүхдийн тоглоом, хүүхэд хүрч болох талбайг цэвэрлэж, саван, содтой усаар угаах;
Хүүхдийн аяга, таваг, халбага, сэрээг тусад нь байлгах
Гэрийн жорлон, угаадасны нүхийг жавелион, клорсепт, гипохлорт кальци зэрэг хлор агуулсан нэгдлүүд болон халуун үнс, модны үртэсийг хийж, сард нэг удаа халдваргүйжүүлж байх хэрэгтэй юм.