“Эмоци” продакшны жүжигчин О.Тэмүүжин өөрийн пэйж хуудастаа "Заавал унш!!" хэмээн онцолж нэгэн сонирхолтой мэдээллийг оруулсан байна. Тэрээр “ертөнцийн гоо сайхан” магтуулдаг эмэгтэй хүн ээж болсны дараа, амьдралынхаа туршид ямархан бэрхшээлийг туулдаг тухай илэн далангүй, энгийн үгээр, чин сэтгэлээсээ, бас хөгжилтэйгээр хүүрнэн өгүүлсэн байна. Түүний постыг яг өөрийнх нь бичсэнээр элдэв засвар, нэмэр хачиргүй тэр хэвээр нь уншигчидтайгаа хуваалцав.
Эх хүн хэзээ эрх чөлөөнд хүрдэг вэ? Заавал унш!!
Ертөнцийн сайхан ээжүүд л гээд байдаг. Яс юман дээр ээж боллоо, өөрийгөө хаялаа. Өглөө сэрлээ, үсээ толгой дээрээ шуулаа, шүдээ угаах ч завгүй хүүхэдтэйгээ ноцолдож, гэр орон, хоол унд, шээстэй даавуу, хөх дэлэнтэйгээ ноцолдсоор байтал өдөр өнгөрч шөнө унтах үгүйн хооронд мөөмөө зулгаалгуулаал, буцаал өглөө босоол үсээ шуугаал... Ёоххх.
Халуун хоол амандаа зуух тавилангүй дор хаяж 2 жил, жорлонд тайван суух боломжгүй дор хаяж 3 жил, усанд дэвтэтлээ хэвтэх заяагүй дор хаяж 5 жил...
Энд тэндхийн хагас дутуу мэрсэн боов боорцог, харлаж хатсан алим жимс, ногоо, сонгино, өөхийг нь ялгасан хоолны үлдэгдэл хамаж шимээд, аягатай цай тайван ч оочилж чадахгуй, нэг жижкэн дарангуйлагчтай ноцолдож ноцолдож, за унтуулчаад л нэг өөртөө ганц удаа маск тавий даа гээд хэвтэнгүүтээ хүүхдийнхээ асгасан, унагасан боов шоовны үртсэн дунд, чихэртэй тарагтай гараараа базалж наалдуулсан энгэр цээж, үс ноостойгоо тэр чигтээ ухаан алдаад өглөө нь өрвийсөн юм дахиал сэрлээ, үсээ шуулаа... Ёоххх...
Хүүхэд сургууль орноо. Одоо л нэг гараас гарлаа гэнгүүт л сургууль цэцэрлэг зөөх, хичээл даалгавар хийлгэх, өдөр бүр шалны алчуур болоод ирдэг хүүхдийнхээ хувцас формыг угааж индүүдэх, заримдаа өөрийн эрхгүй өнхрөөд унтаад өгсөн балчирынхаа гэрийн даалгаварыг нь солгой гараараа бичиж, хэрэгт хэрэггүй баахан юм хум нааж, хувцас хунар, зураг мураг хийх... За тэгээл өдрийн өдөрт гэрийн даалгавар гэдэг айхтар юманд нуруугаа авахуулна. Хоёр мөр юм бичих гэж 2 цаг хэрэлдэнэ, аргадана, уйлалдана, зодолдоно. Ганц өдөр ч оройтох эрхгүй... Ёохх...
Овоо нэг юм гараас гарч, даалгаврын дарамтаас салж эхлэнгүүт өсвөр насны хямрал... Түмэн жорын хэрэгцээ нь ихсэнэ, ааш зан нь олдохгуй. Нөгөө пээдгэр, хүчирхэг, бие даасан хатуу хахир, ихэмсэг зан ман байхгуй ээ, зүгээр л шалан дээр. Хүүхдээсээ айгаад л, аяыг нь олох гэж толгой гашилгаал, заримдаа тэсэлгүй хашгирч орилж цохиж авчаад өөрөө ганцаараа уйлаад л, шаналаад л...
За нэг юм сургууль төгслөө гэнгүүт бөөн их сургуулийн төлбөр, оюутан хүний зардал гээл санхүүгийн дарамт. Тэрсхэн хэдэн оюутантай бол бүүр дуусаа. Өөрөө хэрэглэж үзээгүй бүхнийг хүүхэддээ авч өгчөөл тэдний голсон хаясан, хэрэглээд хуучирсан, өмсөөд элэгдсэн бүхнээр л амьхандаа гоёж гоодоод байгаамуу хаашаан... Заримдаа хувцас хунар, түрийвч мүрийвчээр нь нууцаар гоёж саакарчаад чимээгүйхэн буцааж тавьж итар...
Удахгуй хүүхдүүд нь амьдралд гарахаар бүүр байдгаа барах биз. Дээр нь хянуулаастай. Сошиал дээр бэтий миний зургийг тавиад бай. Битий элдэв юм бичээд бай. Битий баар саванд яваад бай...